Инѕаги го посочи најголемиот квалитет кој го донел Конте во Наполи: Деталите ја прават разликата на ова ниво

Интер оствари важна победа против Арсенал во Лигата на шампиони и ја потврди добрата форма во сите натпреварувања, но пред да почне да мисли на репрезентативната пауза, Симоне Инѕаги мора да ги подготви своите играчи за уште едно големо дерби.

„Нераѕурите“ утре ќе го пречекаат Наполи на домашен терен во ударниот вечерен термин во Серија А, па во официјалната најава за дербито, Инѕаги го посочи и најголемиот квалитет кој му го донел Антонио Конте на тимот кој моментално е лидер во италијанската елита.

– Утре не чека прекрасен меч против лидерот во Серија А. Конте му донесе извонредна организација на тимот кој поседува голем квалитет. Тоа е најголемиот плус кој го доби овој Наполи од Конте и ќе мора да имаме најдобри мижни перформанси за да оствариме добар резултат.

– Наполи седум дена се подготвува за овој меч, ние се уште се опоравуваме од среда, и ментално и физички. Сепак, подготвени сме да го дадеме последниот напор пред репрезентативната пауза која следи.

– Имаме неколку проблеми во ротацијата поради повреди, но постои огромна самодоверба во овој тим. Деталите ја прават разликата на најсилно ниво, мора да бидеме организирани и фокусирани. Не смееме да си дозволиме падови како против Јувентус, – изјави Инѕаги.