Имаат нов селектор: Германците го официјализираа наследникот на Херберт

Германија не успеа да освои медал на Летните Олимписки Игри и со тоа на најдобар можен начин да ја заокружи соработката со Гордон Херберт, стратегот кој претходно им ја донесе титулата на Светското првенство.

Херберт ќе биде тренер на Баерн Минхен, па беше јасно дека Германците ќе мора да побараат ново име, адекватна замена. Таа потрага не траеше долго затоа што испразнетото место ќе биде пополнето со шпанската легенда Алекс Мумбру.

-Би сакал да ви се заблагодарам за довербата, многу сум возбуден што имам можност да бидам селектор на една од најдобрите репрезентации во светот. Мојата најголема желба е да и помогнам на германската кошарка и брзо да станам дел од германското кошаркарско семејство, -порача Мумбру.

Алекс нема преголемо искуство како тренер со оглед на тоа што досега има работено само во Билбао и Валенсија.