Илиевски и Дробаров стрелаа за ЦСКА 1948 и Черно Море (ВИДЕО)

Македонските интернационалци, Марио Илиевски и Влатко Дробаров се запишаа во листата на стрелци во победите на ЦСКА 1948 и Черно Море во 18. коло во првата лига на Бугарија.

Клубот од Софија го совлада градскиот ривал Септември со 2-0, триумф кој беше најевен со погодокот на Илиевски кој во таа ситуација имаше голема помош од Бојчев.

За Марио ова беше четврти лигашки погодок, а има и забележано една асистенција.

Дефанзивецот Дробаров пак дојде до третиот гол во актуелнава кампања во Бугарија и тоа против Локомотив Софија. Черно Море го разби ривалот со 4-0, Влатко беше автор на последниот погодок со кој ја потврди убедливата партија на неговата екипа.