Поврзете се со нас

Светски првенства

ИХФ треба да измисли фер-плеј награда за Де Варгас: Шпанскиот голман воодушеви со својот потег на СП (Видео)

Објавено

на

Гонсало Перез де Варгас со години наназад е еден од најдобрите голмани во светот, но што е уште поважно, Шпанецот важи за голем спортски џентлмен.

Шпанскиот голман беше херој во враќањето на „фуријата“ во чудниот меч со Шведска и повеќе од заслужено го понесе МВП признанието по неверојатното реми 29:29, но медиумите од Пиринеите велат дека ИХФ треба да измисли фер-плеј награда на турнирот за Де Варгас.

Во моментите кога изгледаше дека Шпанија е во агонија со шест голови негатива, Ване имаше добра шанса да ја однесе Шведска на „плус седум“ на 20 минути пред крајот, па наместо крај на натпреварот, одбраната на Варгас се покажа како иницијална каписла за кам-бек на Шпанците.

„Фуријата“ на крајот успеа да дојде до израмнување и да освои бод, но најзабележителен момент од 40-та минута и одбранетиот пенал е фер-плеј потегот на Варгас за кое зборува цело ракометно семејство.

За директни удари зададени во глава по еден пенал судиите веднаш покажуваат црвен картон, па иако првично таков протокол беше употребен и со Ване, на крајот не дојде до такво нешто поради чесноста на Шпанецот.

Варгас призна дека топката прво го удрила во рака, а потоа во глава, па така му порача на судијата да ја поништи одлуката и да го остави Швеѓанецот во игра. Оваа негова постапка наидува на многу позитивни коментари во јавноста, па со изјава се јави и самиот Де Варгас по освоениот бод.

– Ни вметнаа правило за голмани со цел да не заштитат, но ние не треба да злоупотребуваме и да сценираме ситуации. Спортски беше да го спречам тоа исклучување и покрај тоа што имавме шест голови негатива, – изјавил Варгас за шпанските медиуми.

Advertisement
Advertisement

Италија

Advertisement

Популарни