Поврзете се со нас

Лига на нации

Играчот за врска на Вердер Бремен: Македонците постојано паѓаа, но ние не направивме глупост

Објавено

на

Бугарите мораа да се носат со пеколната атмсофера на „Тодор Проески“ и со 20 илјади навивачи против себе, но и покрај тоа, максимално профитираа од раното исклучување на Тодороски и од голот кој го постигна капитенот Кирил Десподов.

Триумфот од 0:1 во Скопје е прва победа за Бугарија на гостински терен по пауза од цели четири години, факт со кој добро бил запознаен и играчот за врска Илија Груев, кој инаку е дел од германскиот бундеслигаш, Вердер Бремен.

Играчот за врска ги одигра сите 90 минути во Скопје и напорно работеше на средината на теренот, па со својата изјава по мечот за бугарските медиуми, нагласил дека е посебно горд што Бугарите не наседнале на провокациите од македонските фудбалери.

– Многу сме задоволни од овој резултат. Пред натпреварот, некој ми кажа дека немаме победено надвор од дома повеќе од четири години. Поради тоа, оваа победа во Македонија е многу важна. За мене, најважно од се е што покажавме карактер.

– Исвиркуваењто на химната многу ме мотивираше, а Македонците исто така на секој начин се обидуваа да добиеме втор жолт картон. Тие постојано паѓаа и се обидуваа да изнудат втор жолт картон за наш играч. Тоа е нормално на ваков меч, а најдобро е што никој не направи глупост и што останавме со 11 на теренот, – изјавил Груев кој заработи опомена на крајот на првиот дел, но остана без втор жолт до крајот на мечот.

Реклама
Реклама
Реклама

Популарни