Играчот за кој Челси издвои 100 милиони евра паднал на допинг тест, му се заканува драконска казна

Михаило Мудрик е најголемо трансфер промашување на Челси во поновата историја, а таквиот статус од денеска е и официјално потврден, откако Украинецот паднал на допинг тестирањето кое му било направено на крајот на месец октомври.

Челси издвои 100 милиони евра за големиот украински талент пред една година и ја доби битката која ја водеше со Арсенал за неговиот потпис, но на крајот испадна дека вложените средства ниту одблиску не се оправдани.

Целиот пакет на трансферот изнесуваше 100 милиони евра, но како што стојат работите, истиот ќе биде заокружен на 70 милиони евра кои беа фиксни и уплатени од Челси уште со првата рата. Останатите 30 милиони евра требаше да бидат исплатени во вид на бонуси, до кои сега најверојатно нема да дојде поради суспензијата која го очекува.

Како што јавуваат сите угледни британски медиуми, Мудрик имал позитивен тест на недозволена сусптанца од ВАДА, па во прв момент е суспендиран на неодредено време.

Во следниот период, клучен ќе биде исходот од вториот тест кој ќе му биде направен, а доколку и истиот биде позитивен, Мудрик ќе добие забрана за играње фудбал во период од 2 до 4 години.