Играчот кој му го сврте грбот на Интер и потпиша за Јувентус: Добив порака и од Квадрадо

Јувентус денеска и официјално го потври ангажманот на Хуан Кабал, талентиран лев бек кој доаѓа во Торино од редовите на Хелас Верона.

Кабал го засилува Јувентус за сума од 13 милиони евра и се претвора во нов играч кој ќе соработува со Тиаго Мота, тренер кој лично побара од клубот да наддава за колумбискиот фудбалер.

Всушност, Кабал имаше усмен договор со Интер и изгледаше дека ќе заврши во италијанскиот првак, но во последен момент се премисли и на крајот заврши во Торино.

– Среќен сум што сум тука, навистина ова беше мојот сон. Му се приклучувам на еден од најголемите клубови во светот. Ќе работам напорно за да ги следам примерите на Кјелини, Бонучи и Канаваро.

– И моето семејство сонуваше за трансферот во Јувентус. Не сакам да зборувам многу за Интер, и тоа е голем клуб, но мојот сон беше Јувентус. Разговарав и со Квадрадо и добив порака од него. Тој ми порача дека сум ја донеел вистинската одлука, ми нагласи дека не постои подобар клуб од Јуве, – открива Кабал кој во Јуве ќе го носи дресот со број „32“.