Играч на Голден Стејт одглуми посериозен удар, Харден му фаќаше сеир пред сите присутни во салата (Видео)

Џејмс Харден често знае да биде главна мета на противничките играчи кои се задолжени да се бранат од нападите на Клиперси, а рано утрово „брадата“ беше испровоциран од еден ривал до таа мера, што реши да се потсмева со него на доста брутален начин.

Харден при едно водење со топката се заби во Подзиемски и играчот на Голден Стејт инсинуираше дека добил посериозен удар, па иако му пројде тактиката во дадената ситуација, остана на немилост кај големата ѕвезда на Клиперски.

Харден ја дочека својата одмазда навистина многу брзо на теренот, а откако проигра свој соиграч за цепелин, јавно го исмеваше Подзиемски пред сите во салата.

Џејмс веднаш ги повтори реакциите на противникот и иронично се фаќаше за уста, исто како што правеше Подзиемски во моментите кога се жалеше за добиениот удар во пределот на вилицата.

Последен во целата оваа ситуација се смееше домашниот кошаркар, кој на крајот се израдува и на победа од 102:92.

James Harden mocks Brandin Podziemski for his egregious flopping in the 4th quarter 💀 pic.twitter.com/rTR2IjJHGW

— APHoops (@APH00PS) December 28, 2024