Играч на Аталанта се соочи со бизарна ситуација во фан-шопот: Ова никогаш нема да му се случи на Меси (Видео)

Мартен Де Рун има одлична смисла за хумор и често знае да прави комедија на своја сметка, а во таа насока оди и последното видео кое го сподели на социјалните мрежи.

Холанѓанецот кој настапува за Аталанта веќе четврта година сними урнебесно видео во официјалниот фан-шоп на клубот, но на крајот не успеа да излезе како победник во предизвикот кој нависитна не изгледаше премногу тежок.

Де Рун минал неколку часа во фан-шопот и ветил дека самиот тој ќе ги плати дресовите на првите тројца фанови кои ќе дојдат да купат негов дрес, нешто што не се случило до затворањето на продавницата.

Симпатичниот Де Рун излезе со интересен заклучок од цела оваа ситуација, алудирајќи на фудбалската еуфорија која настана во Париз со пристигнувањето на Лионел Меси.

– Се обложувам дека Меси никогаш нема да се соочи со вакво нешто.

I bet Messi never has to deal with this. pic.twitter.com/W4uG6YPP1h

— Marten de Roon (@Dirono) September 23, 2021