Игра во одлична форма: Расположениот Поповски донесе победа за Цирих

Македонското ракометно крило, Мартин Поповски не застанува и од коло во коло, натпревар во натпревар само ја потврдува одличната форма во дресот на Амичитија Цирих.

Поповски овојпат беше меѓу најзаслужните што Цирих како гостин успеа да слави на гостувањето кај Сент Гален со 26:23. Нашиот ас беше прв стрелец во својот тим со осум постигнати голови, втор на натпреварот затоа што кај домаќините Харбуз беше автор на девет погодоци.

Ова за Македонецот и соиграчите беше последен меч во 2025 година, а истата ја завршуваат на шестото место во првата швајцарска лига со 17 освоени бодови.