ИФАБ подготвува ново правило кое ќе спречи задржување време од страна на голманите

Одговорното тело за промена на фудбалските правила тестира ново решение, чија главна цел е да спречи задржување на времето од страна на голманите.

Во моментов, судиите имаат право на проценка дали голманите претерале со времето кое поминува додека голманите ја вратат топката во игра, а речиси никогаш не решаваат да доделат индиректен удар за противникот, како што налагаат официјалните правила.

Според новото правило кое веќе се тестира во Премиер лига 2, голманите ќе имаат право да ја задржат топката само осум секунди, а ако го надминат времето, казната ќе биде корнер за противничката екипа.

Во Италија правилото се тестира во младинска категорија со добивање аут за противникот, а одговорните од ИФАБ сметаат дека тестот најавува позитивен ефект од имплементирање на новото правило.

Тренерите сигурно нема да бидат среќни ако нивниот тим прими гол од корнер, кој противникот го добил поради задржување на време, па и самите голмани ќе мора да го променат своето однесување и да размислуваат поинаку во овој сегмент.