Ибраими повторно ќе го носи дресот на Шкендија (ВИДЕО)

Поранешниот македонски репрезентативец, Бесарт Ибраими одлучи да ја заврши соработката со Струга Трим Љум, но тој и понатаму останува на нашите терени со тоа што сега ќе го носи дресот на Шкендија.

Најголемиот дел од својата кариера ја има поминато токму во составот од Тетово, првиот мандат од 2015 до 2021 година беше исполен со успеси, па двете страни се надеваат дека тоа ќе биде така и во наредниов период.

-Многу сум среќен што се враќам во Шкендија и со нетрпение очекувам да придонесам за овој голем клуб, -рече Бесарт кој во декември ќе го прослави 38 роденден.

„Црвено-црните“ воедно ја информираа јавноста дека Енур Тотре не е повеќе дел од клубот, поточно позајмицата е завршена и тој продолжува со Ворскла Полтава.