Ибрахимовиќ за трендот С. Арабија: Треба да нè паметат по талентот, а не по заработените пари

Златан Ибрахимовиќ не е воодушевен од фактот што голем број фудбалски ѕвезди решија да се преселат во Саудиска Арабија, па во последното интервју со Пирс Морган јасно го истакнал својот став за ова прашање.

Легендарниот шведски фудбалер открил дека имал понуди од Кина и Саудиска Арабија на крајот на кариерата, но истите ги одбил за да не го наруши својот имиџ.

– Имав понуда од Кина, исто така и понуда од Саудиска Арабија. Но, во таква ситуација треба да одлучите што сакате и кој е вашиот приоритет?

– Одредени фудбалери треба да ја завршат кариерата на големата сцена, бидејќи тоа е најдобар начин да се стави крај.

– Треба да бидете запаметени по вашиот талент, не по тоа што сте заработиле. Затоа мислам дека одредени играчи треба да стават крај кога се на највисокото ниво. Разбирање имам само за играчите кои не успеале да поминат добро финансиски, па им треба ваква ситуација во која ќе можат добро да заработат, – рекол Ибрахимовиќ.