Ибрахимовиќ за играчот кој блеска во Милан: Ќе биде запаметен…

Златан Ибрахимовиќ има значајна улога во тимот на Милан, поточно тој е врската меѓу управата и екипата, улога која дефинитивно е супер значајна.

Ова е одговорна функција, сериозен предизвик за некогашниот напаѓач, меѓутоа Ибра никогаш не се плашел од предизвици, тестови и сигурно ќе се обиде да одговори на најдобар можен начин. Една работа е сигурна, непроменета, а тоа е дека Швеѓанецот понатаму е искрен, директен, па во свој стил говореше за асот кој можеби е и најдобар, најконстантен во таборот на „росонерите“ во актуелнава кампања, Тиџани Рајндерс.

-Мислам дека е играчот кој напредуваше најмногу за кратко време. Тој пристигна од Холандија, од одличната работа во АЗ и врши исклучителна работа. Стана важен играч за тимот, за клубот и за неговата репрезентација покажувајќи дека е профил на високо ниво.

-Ако се вратиме назад тука е историското трио со Марко ван Бастен, Франк Рајкард и Руд Гулит кои беа икони и симболи на клубот. Холандските играчи имаат добро Си-Ви во клубот, а Рајндерс чувствува мал притисок да биде Холанѓанец и да мора да ја докаже својата вредност. Ама врши одлична работа. Презадоволни сме од него, мора да продолжи вака. Како и секој играч на Милан, сепак, ќе остане запаметен по она што ќе го освои. Ако не триумфираше, не те паметат, -порача Златан.