Ибрахимовиќ откри зошто Милан го доведе Павловиќ: Нашите скаути…

Страхиња Павловиќ е едно од новите имиња во редовите на калчолигашот Милан, дефанзивец кој беше ангажиран од РБ Салцбург.

Српскиот репрезентативец може да игра како стопер, но и како лев бек што секако е голем плус за „росонерите“. Тој допрва ќе треба да се докажува, но Златан Ибрахимовиќ е убеден дека ќе успее на „Сан Сиро“.

Токму Ибра и посочи што било пресудно за да се реализира операцијата за Павловиќ кој има 23 години.

-Павловиќ беше прогласен за совршен играч од нашите скаути и по извесно време гледајќи го, сите се уверивме. Тој е агресивен, игра со левата нога, а во одбраната единствен таков ни е Тео Ернандез. Тој има правилен став, кој го сакаме. Потребна е одлучност и Павловиќ е погоден за овој тим. На Пауло Фонсека навистина му се допаѓа, тој е млад и има простор за напредок, но веќе има Лига на шампиони и меѓународно искуство.

-Направивме се за да го донесеме овде. Јас сум 200 проценти сигурен дека тој ќе биде миленик на навивачите. Тој е некој што на секој дуел оди со срце, навивачите можат да почувстуваат кога давате 200 проценти и јас го велам тоа како поранешен играч. Страхиња е лидер на теренот и надвор од него, што не е лесно кога имате само 23 години, -порача Златан.