Ибрахимовиќ откри како го убедил Мората да потпише за Милан: Тој не е играч…

Шпанскиот напаѓач, Алваро Мората се одлучи одново да ја напушти татковината и да заигра во Италија со тоа што сега ќе биде дел од Милан.

Мората не беше баш задоволен во Атлетико Мадрид, проблем беше и јавноста во Шпанија и лесно можеше да заврши во Саудиска Арабија, ама „росонерите“ се впуштија во трката за неговиот потпис и го убедија нив да ги избере за нов чекор во кариерата.

-Сакам да му посакам добредојде на капитенот на актуелните европски шампиони. Она што го баравме беше комплетен напаѓач, присутен на теренот и надвор од него. Мората е совршен пример за нас, бидејќи минатата сезона го имавме најмладиот состав во основа. Алваро исто така ќе ја има оваа улога надвор од теренот и ние ќе му помогнеме да ја преземе таа одговорност. Тој беше капитен на ЕП и лидер за соиграчите, тој е победник и шампион на клупско и меѓународно ниво, -порача Златан Ибрахимовиќ кој откри како го убедил Шпанецот да слета на „Сан Сиро“.

-За да го убедам, му реков дека ќе му донесам радост. Знам дека ако си среќен надвор од теренот, среќен си и на него. Тој не е играч кој треба да расте, Алваро е веќе на врвот и комплетен.

-Минатата сезона директорите ги поставија темелите, ова лето работиме на деталите и Алваро е еден од нив. Тој ја има ДНК на Милан и е победник, -подвлече Златан.