Ибрахимовиќ: Клуб како Милан секогаш мора да биде подготвен за следниот чекор

Златан Ибрахимовиќ вчера се обрати пред италијанските новинари и откри дека клубот избрал погрешен пристап со начинот на кој му врачил отказ на Пауло Фонсека, но откако му се извини на досегашниот тренер, имаше зборови и за новиот кој го избра како еден од главните директори на Милан.

Легендарниот Швеѓанецот долго време го штитеше Фонсека и го поддржуваше во секоја негова одлука, но сега тоа ќе го прави и со неговиот сонародник, Сержо Консеисао.

Милан го избра доскорашниот тренер на Порто како идеален човек за наследување на жешкото тренерско столче кое остана празно со заминувањето на Фонсека, а според Ибра, добра вест е тоа што Консеисао веќе има искусени вакви слични ситуации со преземање на тим на средина на сезоната.

– Клуб како Милан секогаш мора да биде подготвен за следниот чекор, а наш следен чекор е Консеисао.

– Сите знаат за каков човек и тренер се работи. Тој има карактер, станува збор за роден победник и веќе има остварено позитивни резултати кога преземал тим на средина на сезона. Има јасна визија и веднаш по пристигнувањето се фати за работа. Наша работа е да му обезбедиме се што е потребно за да триумфира, – изјави Златан.