Ибрахимовиќ и Милан изиритирани од одредени потези на Консеисао

Милан се врати од гостувањето во Холандија во Лигата на шампионите со пораз и тоа донесе големо разочарување во клубот и меѓу навивачите, а овој резултат во комбинација со одредени потези на тренерот донело дополнително незадоволство кај одговорните.

Раководството и специјалниот советник на сопствениците, Златан Ибрахимовиќ дополнително се изиритирани од потезите на Серџо Консеисао, а на Португалецот не му помага ниту фактот што засега има подобар просечен ефект од претходникот Пауло Фонсека.

„Кориере дело Спорт“ тврди дека Ибрахимовиќ не го криел незадоволството на трибините во Ротердам, а не го прифатил најдобро и потегот на тренерот, кој во финишот ги стави во игра Ејбрахам и Камарда на местото Хименез и Леао.

Дополнителна „закачка“ меѓу Ибра и Консеисао претставувала изјавата на Консеисао во која тој зајадливо рекол дека Милан има три тима на располагање заедно со талентираните младинци и тоа како одговор на забелешката на Златан дека сега „росонерите“ имаат два тима за ротација, алудирајќи на засилувањата во јануари.

Следен противник на Милан е Верона и Консеисао и фудбалерите имаат сериозен императив да ги освојат трите бода пред реваншот со Феенорд.