Ибрахимовиќ ги појасни амбициите на Милан: Нема кратки патеки до целта која ја посакуваме

Златан Ибрахимовиќ се префрли во директорските води по крајот на играчката кариера и брзо се адаптираше во улога на оперативец, улога која ја доби од клубот кој му овозможи најмногу во животот.

Ибра изгради посебна врска со Милан и двапати во кариерата ги бранеше боите на овој клуб, па затоа воопшто не се двоумеше да им помогне на „росонерите“ во новиот проект во кој има улога на важен директор.

Швеѓанецот беше оној кој имаше главен збор при изборот на новиот тренер и тој му даде поддршка на Пауло Фонсека, а иако слободно може да се заклучи дека резултатите не се баш најдобри, Ибра верува дека тимот е на прав пат со Португалецот.

Во ексклузивното интервју за магазинот на Лигата на шампиони, Ибра говори за амбициите на Милан, потенцирајќи дека главната цел е да се врати клубот на победничките и шампионски патеки.

– Срцето на нашата работа е првиот тим, сите ресурси со кои располагаме ги посветуваме на првиот тим. Ако не победуваше, тогаш не добиваш награда за тоа што го правиш. Засега резултатите не се како што сакаме, но има многу промени во клубот и доста работи треба да си легнат на место.

– Милан е светски познат бренд, а наша цел е да го вратиме Милан највисоко во европскиот фудбал, тоа е местото кое му прилега на овој клуб. Тоа е главната цел, но не постојат кратки патеки за да стигнеме до таму, мора чекор по чекор, – потенцира Ибра.