Поврзете се со нас

Италија

Ибра за мини револуцијата во Милан: Сите играчи ги донесовме по разговор со Консеисао

Објавено

на

Милан денеска одржа прес-конференција со цел да го претстави најголемото зимско засилување, Мексиканецот Сантијаго Хименез кој доаѓа од редовите на Феенорд.

Клубот од „Сан Сиро“ направи една мини-револуција во првиот тим на Сержо Консеисао во последните денови од зимскиот преоден рок, бидејќи севкупно гледано, Милан доведе пет нови фудбалери, а истовремено ослободи исто толку.

Покрај Хименез, Милан ги ангажираше и Кајл Вокер, Жоао Феликс, Рикадо Сотил и Ворен Бондо, додека од обврските беа ослободени Алваро Мората, Лука Ромеро, Ноа Окафор, Исмаел Бенасер и Давиде Калабрија.

Говорејќи за мини-ремонтот во првиот тим, Златан Ибрахимовиќ се обиде да објасни зошто дошло до такво нешто, но и нагласи дека овој тим сега изгледа многу подобро од оној во првиот дел од сезоната.

– Тука сме да го претставине Хименез, новиот напаѓач на Милан, играч кој сакавме да го донесеме уште изминатото лето. Денеска е тука меѓу нас, поседува голем квалитет и се надевам дека ќе ги оправда очекувањата.

– Завршниот ден од зимскиот трансфер период беше интензивен за нас, но сите работи ние беа под контрола. Завршивме добра работа и направивме се што сакавме. Донесовме пет играчи и ослободивме пет играчи. Не сме задоволни од нашиот пласман и ова е тимот кој треба да ја промени ситуацијата.

– Го засиливме тимот и сега ќе видиме дали ќе ја намали разликата во однос на другите. Се што направивме, направивме во разговор со тренерот. Ако се прашувам јас, овој тим сега е многу подобар, но на крајот конечниот одговор ќе го дадат резултатите, – изјави Златан.

Advertisement
Advertisement

Италија

Advertisement

Популарни