Ибра во свој стил: Јас ќе кажам кога ќе заврши преодниот рок за Милан

Калчолигашот Милан повлече неколку потези кога се во прашање засилувањата во овој трансфер период, а последниот е ангажманот на францускиот репрезентативец Јусуф Фофана.

Фофана им се приклучи на Алваро Мората и дефанзивците Страхиња Павловиќ и Емерсон Ројал кои претходно стигнаа во Милано, односно со доаѓањето на играчот на врска се сметаше дека тука ќе заврши преодниот рок за „росонерите“ кога се во прашање освежувањата.

Тоа го кажа самиот тренер Паоло Фонсека, Златан Ибрахимовиќ кој игра многу важна улога во однос на новите имиња со тоа што токму Швеѓанецот во свој стил ја остави подотворена вратата и за други операции.

-Во моментов сме на шестиот ден од седум да го создадеме новиот Милан. Трансфер прозорецот завршува кога јас ќе го кажам тоа. Овие четворица играчи што ги доведовме беа приоритети уште пред да дојде тренерот Фонсека, -порача Ибра.