Ибра со последната објава ги „запали“ фановите на Милан (Фото)

Златан Ибрахимовиќ изминатиот период одржа неколку состаноци со Гери Кардинале за враќање во Милан неполна пола година по пензионирањето, а ако се суди според последната објава на Швеѓанецот, само прашање на време е кога ќе се официјализира зделката.

Првиот човек на Милан даде зелено светло за врќање на Ибра и веќе јавно призна дека сака да го види легендарниот напаѓач на „Сан Сиро“, пред се поради неговиот победнички дух и уникатен менталитет со кој доминираше во соблекувалната на „росонерите“.

Планот е Златан да добие директорска функција и да биде одговорен за спортскиот оддел, односно целта ќе биде да има клучно влијание во бирањето на играчи и за спортскиот проект.

Италијанските медиуми пренесоа дека поселдната средба меѓу Ибра и Кардинале дополнително ги приближила ставовите меѓу двете страни, па дополнителен жар денеска додаде и самиот Ибракадабра со објавата на социјалните мрежи.

– Тик так, тик так, тик так, – гласи објавата на Ибра.

tic tac tic tac pic.twitter.com/4eA07M73Dq

— Zlatan Ibrahimović (@Ibra_official) November 7, 2023