Ибра реши што ќе прави на 40 години: Го чекав овој ден (Видео)

Тоа што го најавуваше италијанската јавност во текот на денешниот ден, вечерва доби официјална потврда, откако Милан информираше дека Златан Ибрахимовиќ ќе го носи дресот на „росонерите“ и на 40-годишна возраст.

Швеѓанецот стави потпис на нов едногодишен договор и оваа информација сега официјално беше потврдена, што значи дека Златан ја продолжува своајта фудбалска приказна во клубот кој тој најмногу го сака во Италија.

– Сагата продолжува, – порача задоволниот Ибра на социјалните мрежи, а го одработи и првото интервју за официјалната телевизија на Милан.

– Навистина сум многу среќен, го чекав овој ден. Останувам уште една година, тоа е она што е важно во овој момент. Отсекогаш сум велел дека играњето за Милан е како да играм дома. Многу сум среќен, среќен сум од сите во клубот, од соиграчите, тренерот, навивачите кои најмногу ми недостасуваат.

– Ова е како мој дом, ако можам да останам цел живот во Милан, би го направил тоа. Задоволство е да се работи со Пиоли. Тој ја има правилната енергија и секогаш го бара максимумот од тимот, – изјави Ибра.

"Sono molto felice, questa è casa mia": le prime parole di @Ibra_official dopo il rinnovo 🔴⚫
Zlatan’s first comments on his renewal: “I’m very happy, this is my home” 🔴⚫ #SempreMilan #ReadyToUnleash pic.twitter.com/qrIvvTjig9

— AC Milan (@acmilan) April 22, 2021

The Saga Continues @acmilan pic.twitter.com/b8KwY5czG4

— Zlatan Ibrahimović (@Ibra_official) April 22, 2021