И тоа е можно, Шкупи одбил понуда за Сандеј вредна 1.5 милиони евра

Македонскиот шампион, Шкупи, одбил понуда за својот најдобар фудбалер од минатата сезона, Сандеј Адетунџи вредна дури 1.5 милиони евра.

Сандеј дојде до признанието најдобар стрелец во македонскиот шампионат и дефинитивно се издвои со своите настапи во дресот на клубот од Чари, по што го привлече вниманието на многу европски клубови.

Според последните информации, Шкупи за Сандеј добил понуда од 1.5 милиони евра, но претставниците на скопскиот клуб без размислување ја одбиле.

Наводно понудата дошла од клуб од Хрватска кој сериозно загризал за одличниот нигериски напаѓач кој веројатно ќе си оди од тимот во летниот преоден рок.

Се очекува Сандеј да остане само за квалификациските натпревари од Лигата на шампионите, а потоа да ја промени средината во трансфер во кој Шкупи ќе заработи многу пари.

За потсетување, напаѓачот пристигна на Чаир минатата сезона за сума од околу 200.000 евра, а сега би можел да реализира трансфер во висина од два милиони евра.