Хрватски коментатор запеа со ѕвездата на Реал по титулата во Каунас (ВИДЕО)

Реал Мадрид успеа по единаесетти пат во својата историја да дојде до пехарот во Евролигата и тоа откако во финалето во Каунас во свој стил го совлада Олимпикакос со 79-78.

„Кралевите“ долго време ќе ја паметат оваа титула до која дојдоа до кошот на ветеранот Луљ во последните секунди. Тие губеа на овој меч и направија пресврт, исто како што беше во полуфиналето со Барселона, додека пак уште поголемо чудо направија во серијата со Партизан за да се пласираа на завршниот турнир во Литванија.

Хрватскиот коментатор, Марин Мрдуљаш познат како Бабо имаше можност да разговара со Џанан Муса по освоениот пехар, а карткото интервју го заврши во негов стил со барање за песна, барање кое Муса го прифати и заедно го испеаа големиот хит на Дино Мерлин.

Овде можете тоа да го видите.