Хрватите шокирани: Најдобриот тениски јуниор одлучи да настапува за друга земја

Хрватските медиуми објавија дека најдобриот тениски јуниор во земјата решил во иднина да настапува за друга земја, а не за Хрватска каде е роден и израснал.

17-годишниот Дује Марковина преку социјалните мрежи потврдил дека во иднина ќе настапува под знамето на Австралија, потег кој е поврзан со фактот што неговата мајка живеела во Сиднеј и има австралиско државјанство.

Марковина се смета за еден од најголемите светски таленти во својата генерација, а одлуката ја официјализирал со фотографија со австралиското знаме и опис „ново поглавје“.

– Изгледа чудно, но истовремено и нормално.

– Хрватска ми значи многу, тука сум роден и тука израснав, но хрватскиот тениски сојуз не е ни приближно силен како австралискиот. Знам кои ми се целите во кариерата и ова е најдобар начин да ги реализирам, – изјавил Марковина за австралиски медиум.