Хрватите го назначија Ќиро Блажевиќ за почесен селектор

Фудбалскиот сојуз на Хрватска денеска одржал редовно собрание, на кое биле сумирани постигнувањата во календарската 2021 година.

Хрватите можат да бидат задоволни со пласманот на Светското првенство, а раководството го потенцирало и напредокот на домашното првенство.

На предлог на претседателот Маријан Кустиќ, за почесен хрватски селектор е избран Мирослав Блажевиќ.

Ваквата позиција за популарниот Ќиро е поради неговиот придонес за хрватскиот фудбал последните децении, во кои Блажевиќ ја одведе и до трето место на Светското првенство во 1998 година.

Блажевиќ неодамна призна дека има сериозни проблеми со ракот, кого претходно го победи два пати, но овој пат ситуацијата делува попесимистички поради неговата распространетост и на коските.