Хрватите без Карачиќ и Мариќ на Европското ракометно првенство

Хрватскиот ракометен селектор Хрвоје Хорват денеска го соопшти конечниот список на играчи на кои ќе смета на Европското првенство, а на него ги нема Игор Карачиќ и Марино Мариќ.

Поточно, играчите на Кјелце, односно Мелсунген се меѓу резервите и можат да бидат повикани само ако Хрватите имаат проблеми со повреди или ковид.

Предводници на Хрватите и на ова ЕП ќе бидат Домагој Дувњак и Лука Циндриќ, а во подмладениот состав е Анте Гаџа од македонскиот првак Вардар 1961.

Покрај Карачиќ и Мариќ, на списокот резерви се Шего, Ивиќ и Лучин.

Репрезентацијата е во група со Франција, Србија и Украина во првата фаза на ЕП кое ќе се игра меѓу 13 и 30 јануари.

Македонија исто така ќе учествува на ракометното ЕП и тоа во група со Данска, Словенија и Црна Гора.