Хрват ќе го води „фенерџијата“ во Премиер лигата

Најслабиот тим во оваа сезона во Премиер лигата, Саутемптон и официјално има нов менаџер, наследник на Расел Мартин кој беше отпуштен минатата седмица по тешкиот пораз од Тотенхем.

Нов предводник на „светците“ е 49-годишниот хрватски стручњак Иван Јуриќ кој доби 18-месечен договор. Ова за Иван е прво искуство надвор од Италија, поточно досега функционираше само на Апенините каде водеше повеќе клубови меѓу кои и Рома од која доби отказ во ноември по само 12 натпревари.

-Јас сум многу задоволен. Мислам дека ова е навистина голем предизвик, но јас сум многу оптимист бидејќи видов тим кој може да биде подобар.

-Важно е веднаш да се поврзете со навивачите. Сакам агресивен тим и мислам дека тоа ќе им се допадне на навивачите на Саутемптон, -порача Јуриќ кој има работено уште во Мантова, Џенова, Кротоне, Верона и Торино.