Храбрата Мајорка го неутрализираше Реал, Менди шокираше со крвнички старт на колено (Видео)

Реал Мадрид имаше план да ја запише првата победа во Ла Лига четири дена по освоениот трофеј во Суперкупот, но така не мислеа и играчите на Јагоба Арасате кои се прикажаа во херојско светло на „Сан Мош“ стадионот.

Мајорка ги неутрализираше „кралевите“ од шпанската престолнина и се погрижи за првото големо изненадување уште на стартот на Ла Лига, а натпреварот на домаќините беше до толку добар, што на крајот имаа и две шанси за победа.

Реал Мадрид подобро го отвори денешниот меч и заслужено поведе преку Родриго, но во периодот во кој гостите не го искористија својот моментум, следеше будење од домашните фудбалери.

Тоа беше наградено со огромна поддршка од навивачите на преполниот „Сан Мош“, а сето тоа резултираше со агресивна и беспоштедна игра, која им донесе награда уште на стартот на вториот дел.

Муричи израмни на 1:1 по фантастичен корнер од левата страна и внесе голема возбуда на натпреварот, во кој очекувано до крајот гледавме цврста одбрана на домаќините, односно целосен напад од фаворитот.

Реал не успеа да го пробие бедемот пред домашниот гол, а Мајорка има и за што да жали, бидејќи Антонио Санчес не постигна ниту еден гол од двете одлични контри.

Во самата завршница, видовме и еден непотребно лош потег од Ферлан Менди, бидејќи Французинот намерно стартуваше на коленото на Муричи и сосема оправдано доби директен црвен картон.

BESTIALIDAD DE ENTRADA DE MENDY A MURIQI.

Roja para el francés merecidísima, protección para todos los jugadores. pic.twitter.com/Nq2LN8DJtZ

— 🅿 (@finallyxpablo) August 18, 2024

Головите од натпреварот погледнете ги ТУКА