Хоселу за Белингем: Тој ќе влезе во историјата на Реал, има неверојатна зрелост и знаење

Реал Мадрид игра добро во Примера и Лигата на шампионите, а голема заслуга за тоа има летното засилување Џуд Белингем кој игра ефикасно во двете конкуренции, дава голови и бележи асистенции.

Со овие изданија тој го освои срцата на навивачите, веќе е миленик на истите и во исто време стекна голема почит од соиграчите, староседелците, но и оние кои добро го познаваат клубот како што е Хоселу Мато кој своевремено играше за втората екипа на тимот, а беше дел и од првиот состав.

Сега Хоселу го тера вториот „мандат“ во Реал и е многу близок со Белингем за кого е убеден дека ќе испише историја.

-Белингем е играч кој има многу да се развива бидејќи е роден да игра за Реал Мадрид. Ни дава нешто поразлично од играч од средниот ред или плејмејкер, како сакате наречете го. Тој е играч кој застана на нозе и внатре во соблекувалната и надвор, тој е многу сакан од навивачите и од нас, поради неговиот начин на живот. Тој е играч кој ќе направи многу добри бројки и ќе влезе во историјата во Реал Мадрид.

-Многу скромно момче, кое се труди да разговара со сите. Многу комуницирам со него бидејќи зборувам англиски. Се трудам многу да се дружам со него. Тој е многу вредно момче, има 20 години, но изгледа како да има 30. Има неверојатна зрелост и знаење, -вели Хоселу кој посочи дека Џуд се обидува да го научи шпанскиот јазик.

-Вистината е дека тој е прилично смешен во таа смисла-порача напаѓачот.