Хорват: Вардар е тим со големо срце, повторно покажа дека знае да се извлече од невозможна ситуација

Составот на Нексе беше многу блиску до голема победа во Скопје, победа над Вардар која ќе им овозможеше пласман на завршниот турнир во СЕХА лигата.

Меѓутоа тимот од Нашице лоши ги одигра завршните пет минути во „Јане Сандански“ и му даде на Вардар да го има последниот збор, да се врати во игра и дојде до резултат кој го одведе на фајналфорот кој во септември ќе се одигра во Задар.

-Имавме се под контрола, ама се загубивме на крајот. Вардар уште еднаш покажа дека знае да се врати од тешки ситуации, тие имаат големо срце и на крајот одлучија неколку работи.  Неискуството на моите играчи беше пресудно денеска. Секако дека сега сме тажни затоа што бевме толку блиску, ама не е крај на светот. Не сме првиот кој загубил од Вардар во Скопје. С едржиме до нашиот план, ова е само почеток на сезоната. Настапот во Европа е пред нас како и новата сезона во СЕГА лигата, -истакна тренерот на Нексе, Хрвоје Хорват.

Нексе во Скопје славеше со 26-25, но Вардар во првата средба во Хрватска беше подобар со 31-30 и поради тоа обезбеди место во Топ4 во СЕХА лигата.