Хорор старт на „проектот Конте“: Наполи настрада на гостувањето кај својот редовен пациент (Видео)

Наполи се навикна да победува на „Бентегоди“ во последните неколку години и пристигна на денешниот меч со три победи во низа во последните три сезони, па затоа очекувањата беа големи во пресрет на дебито на Антонио Конте во италијанската елита како тренер на „наполитанците“.

Проектот Конте донесе голем ентузијазам кај фановите на Наполи по разочарувачката сезона која ја оставија зад себе, но ако се суди според стартот, и оваа ќе биде доста стресна и тензична под Везув.

Конте веќе некое време се жали дека трансфер пазарот на Наполи е навистина лош и дека е се потребни доста засилувања, теза која уште повеќе ќе добие на значење по денешниот хорор во првото коло.

Верона го потопи Наполи пред домашните навивачи и максимално профитираше од ефективното второ полувреме, во кое успеа да постигне три гола во мрежата на гостите.

Роча Ливраменто со својот дебитантски гол му го зададе првиот удар на Наполи, а потоа на сцена стапи уште едно летно засилување на Верона, Даниел Москера.

Колумбиецот ги следеше стапките на Ливраменто и постигна гол на својот прв настап во Серија А, но до крајот на мечот постигна и втор за конечни 3:0 и голема победа на Хелас Верона.

Видеото од головите погледнете го ТУКА