Хорор прво полувреме за Анчелоти: Два гола останаа во сенка на новата тешка повреда (Видео)

Реал Мадрид постигна два гола во првото полувреме на пресметката против Осасуна, но водството од 2:0 остана во сенка на повредите кои ги заработија двајца домашни фудбалери.

Родриго прв побара измена и беше повлечен од Карло Анчелоти во 20-та минута, но тоа што се случи 10 минути подоцна беше далеку посериозно.

Едер Милитао врескаше од болка по едно неправилно движење со ногата и се чини дека си нанесе голема штета на десното колено, по што мораше да добие лекарска интервенција пред да биде изнесен на носилки.

Бразилецот минатата сезона го оперираше левото колено поради преден вкрстен лигамент, а сега за жал најголемите стравувања се дека ја заработи истата повреда на другото колено.

Од 30-та до 45-та минута, Реал постигна два гола преку Винисиус и Белингам, но пред крајот на првиот дел на повреда се пожали и Лукас Васкез, кој сепак стисна заби и до бандажиран мускул го доигра овој дел.

Повредата на Милитао погледнете ја ТУКА

Реакцијата на Карло Анчелоти погледнете ја ТУКА