Хорнер објасни зошто Ред Бул се реши за второ влегување во боксот на Ферстапен

Макс Ферстапен го освои второто место на трката од Формула 1 шампионатот возена во Велика Британија, но второто влегување во боксот го остави без можност да стигне и до победата, откако лидерот Луис Хамилтон на целта стигна со мала предност и без еден од четирите пневматици на болидот.

Ред Бул реши да го повика Холанѓанецот во боксот на два круга до крајот, но ќе остане дилемата дали тоа менување на пневматици не му ја одзема победата на Ферстапен кој без него немаше да заостанува толку зад Хамилтон.

– Не исплаши она што му се случи на Ботас, бидејќи и Макс чувствуваше вибрации од пневматиците.

– Затоа решивме да го повикаме во боксот и да избегнеме ризик да не ја заврши трката, едноставно немаше гаранција дека без тоа ќе стигне до целта.

– Можеби сега чувството е дека сме ја испуштиле победата, но ние не сакавме да останеме без бодови. Треба да сме благодарни што профитиравме од проблемот на Ботас, но не успеавме да профитираме од проблемот на Хамилтон. Ако пневматикот му пукнеше два свијока порано, тој немаше да ја заврши трката. Сепак, тој имаше среќа, честитки за неговиот тим кој имаше доминтантен болид денеска, – изјавил Кристијан Хорнер од Ред Бул.

Хамилтон по драмата на „Силверстоун“: За малку ќе ми застанеше срцето…