Хорхе Меси радикално го промени ставот за иднината на Лео во период од 24 часа (Видео)

Лионел Меси веќе десетина дена е топ тема во шпанската спортска јавност, но уште повеќе во изминативе 24 часа бидејќи се водат клучни преговори меѓу неговиот татко и директивата на клубот.

На вчерашниот состанок меѓу Хорхе и Бартомеу, претседателот на Барселона јасно му ставил до знаење дека клубот нема да преговара за негов трансфер и се повикува на откупната клаузула вредна 700 милиони евра, што во превод значи дека Лео има се помалку шанси за заминување.

Дека Барселона е во добитна комбинација со отпусната клаузула која стои во неговиот договор може да се заклучи и од последната кратка изјава на Хорхе, кој во период од еден ден драстично го промени мислењето за иднината на неговиот син на „Камп Ноу“.

Ако вчера при пристигнувањето во Барселона нагласи дека ќе биде многу тешко неговиот син да остане во Барса, по преговорите со Бартомеу, ова попладне излезе со комплетно друго гледиште.

Новинарката на „Депортес Куатро“ го запраша дали постои реална можност Лео на крај да остане оваа сезона во Барса и догодина да биде слободен за трансфер, на што Хорхе кратко одговори „ДА“.