Холанѓаните се откажаа од пет фудбалери пред дербито со Франција

Холандската фудбалска репрезентација се соочи со сериозен проблем во пресрет на квалификациските натпревари, а причина е вирус кој „елиминирал“ неколку важни фудбалери за оваа селекција.

Ширењето на вирусот во националниот тим ги натерал селекторот и неговите соработници да испратат дома дури пет репрезентативци и тие нема да имаат обврски во мартовските термини.

Коди Гакпо од Ливерпул е ослободен заедно со Матијс де Лихт, Свен Ботман, Барт Фербриген и Џои Ферман, пет фудбалери кои нема да бидат во комбинација за дуелите со Франција и Гибралтар.

Селекторот Роналд Куман дополнително повикал тројца фудбалери кои треба да ја покријат оваа „петорка“, а тоа се Рајан Гравенберх, Стефан де Фрај и голманот Кјел Шерпен.

Холандија утре од 20:45 часот има тешко гостување кај светскиот вицешампион Франција.