Холанѓанецот ја има поддршката од најголемиот: Фергусон стои зад Тен Хаг!

Манчестер Јунајтед игра под очекувањата во оваа сезона во која е на 8 место во Премиер лигата, лошо му оди во Лигата на шампионите, а доживеа и елиминација од англискиот Лига Куп.

Овие резултати донесоа големи критики за менаџерот Ерик Тен Хаг, па некои од медиумите почнаа и да го менуваат и посочуваат стратези кои би можеле да го заменат на позицијата. Меѓутоа по се изгледа 53-годишниот Холанѓанец може да биде мирен и без дополнителен притисок да си ја врши работата, а во тоа ќе му помогне легендарниот сер Алекс Фергусон.

Според „Сан“, славниот Ферги максимално стои зад Тен Хаг и верува дека би било погрешно да го отпушти во овој момент. Алекс смета дека сегашниот тренер го има потребниот карактер и менталитет да ги сврти работите во своја полза, поточно да му ги донесе посакуваните резултати на клубот и ќе им порача на инвеститорите да се држат до него.