Хокеар на НХЛ тимот Едмонтон почина на 25-годишна возраст

Канадскиот хокеар Колби Кејв починал на 25-годишна возраст, објави неговиот клуб Едмонтон Оилерс.

Трагичната вест доаѓа четири дена откако Кејв беше опериран поради отстранување на циста во мозокот, по што деновиве беше во вештачка кома во болницата во Торонто.

Семејството на Кејв ја потврди информацијата, потенцирајќи дека неговите членови не можеле ниту да го посетат хокеарот во болница поради рестрикциите кои се активирани за време на пандемијата на коронавирусот.

Кејв одигра четири сезони во НХЛ носејќи го дресот на Едмонтон и Бостон и запиша 67 настапи во најквалитетната хокеарска лига во светот.

Janet and I are so sad to hear of Colby’s passing. He was a wonderful hockey player with a bright future, but an even better person. Our thoughts and prayers are with his wife Emily and his entire family. 🙏

— Wayne Gretzky (@WayneGretzky) April 11, 2020