Хојлунд го избра најпотценетиот играч во тимот на Јунајтед: Тој игра на друго ниво

Расмус Хојлунд ни одблиску ги нема оправдано паричните средства кои ги вложи Манчестер Јунајтед за него, но со оглед на тоа што се работи за млад фудбалери, директорите на клубот и менаџерот Рубен Аморим се уште имаат трпение за талентираниот Данец.

Аморим по победата над Лестер побара од Хојлунд да не биде фрустриран поради недостатокот на голови во овој момент, но истовремено за англиската јавност интересна стана и една изјава на напаѓачот дадена во ексклузивнот интервју за „Скај Спортс“.

Хојлунд доби за задача да го избере најпотценетиот играч во стартниот тим на Јунајтед, а тој без многу размислување го издвои Мануел Угарте.

– За мене најпотценет е Угарте. Мислам дека сите видовме блесоци од него со новиот менаџер. Резултатите не се одблиску добри, но тој е играч кој се издвојува.

– Се гледа неговиот квалитет, се гледаат вакви големи работници во тимот, а за жал такви фудбалери не добиваат посебно внимание. За разлика од Угарте, Диало е фантастичен во последно време и почна да добива признание за својата игра. Според мене, тој игра на друго ниво од останатите во тимот, – потенцира Хојлунд.