Хојлунд беснееше на еден соиграч, Сколс вели дека напаѓачот е во право: Криминален потег за професионално ниво (Видео)

Манчестер Јунајтед беше далеку подобар ривал од Реал Сосиедад во првото полувреме и заслужи да има многу подобар резултат од почетните 0:0, но една од причините поради кои не постигна гол беа лошите одлуки кои ги носеа играчите во клучните моменти.

Избраниците на Рубен Аморим повторно покажаа дека не знаат доволно добро да ги користат своите напаѓачи, па во една ситуација од првото полувреме, се виде и јасна фрустрација од Расмус Хојлунд.

Една од причините поради кои не дава голови е и фактот што не добива употребливи топки од своите соиграчи, нешто за што доказ е и нелогичниот потег на Дало кога го имаше Данецот осамен во шеснаесетникот.

Оваа реакција на дефанзивецот го налути Хојлунд кој нервозно негодуваше откако не доби топка, а целата ситуација ја испрати и легендарниот Пол Сколс, кој во дадениот случај застана зад напаѓачот.

– Јунајтед требаше да води на полувреме, особено после акцијата во која Дало го имаше Хојлунд. Јунајтед има опасни играчи, но не се доволно искористени од соиграчите. Дало да не види дека неговиот напаѓач е осамен, тоа е криминално за ова ниво. Хојлунд добро истрча и ја испрати акцијата, а еден десен бек да не го види тоа е криминално на ова професионално ниво, – посочи Сколс.

A professional football player should be looking up when running towards the call and cross it first time but dalot can't. Fire every scout who can't see such a basic flaw https://t.co/fKCaSiBFJ7 pic.twitter.com/Mhk8qZFthd

— Kavi (@blurt2kc) March 6, 2025