Хојбјерг за искрениот Конте: Мора да ги образложи критиките пред нас…

Италијанскиот стратег, Антонио Конте беше многу лут по ремито на неговиот Тотенхем против Саутемптон по што реши отворено да ги нападне играчите за кои порача дека се себични, дека им фали тимски дух, но и дека едноставно не можат да одговорат на притисокот.

Ваквите зборови најверојатно ќе му донесат отказ на Конте, но во меѓувреме со реакција се јавија и дел од играчите, па данскиот репрезентативец Пјер-Емил Хојбјерг порача дека ја цени искреноста на менаџерот, ама во исто време оти мора тој да зборува со нив и ги објасни сите тие критики.

-Тој даде многу искрена и многу отворена прес -конференција. Тоа е затоа што не е задоволен. Вие не го правите тоа ако дојдете до четвртфинале во Лигата на шампионите и ако сте во полуфиналето на ФА Купот. Јас разбирам дека ако сакате да бидете успешни како тим, потребни ви се 11 мажи кои се посветени на проектот и културата. Но мислам дека мора да образложи како се чувствува пред вие како играч да почнете да мерите и вагате, -истакна Данецот.