Хиро и Хендерсон донесоа победи во последната секунда, Ајви ги реши „кралевите“ со акција за четири поени (Видео)

Натпреварите од НБА лигата одиграни утринава донесоа неколку неизвесни завршници и кошеви за победа кои ги израдуваа фановите на Мајами, Портланд и Детроит.

Мајами славеше против Орландо со поени на Тајлер Хиро во последната секунда, а Портланд успеа да дојде до победата против Јута откако Скут Хендерсон уфрли два поена на 0,1 секунди до крајот.

Џејден Ајви ги импресионираше фановите на Детроит, обезбедувајќи ја третата победа по ред со акција за четири поени на три секунди до крајот.

Ајви погоди тројка и изнуди лична грешка на минус три, а со уфрленото слободно фрлање ја претвори негативата од три во предност од еден поен и триумф на Детроит против Сакраменто.

4 game-winners. One night.

Absolute cinema! 🙌

(via @NBA)pic.twitter.com/rBboMIVd6P

— ClutchPoints (@ClutchPoints) December 27, 2024

Од поединечните ефекти, повторно се истакна Шеј Гилџус-Александер, кој со 45 поени ја предводеше Оклахома Сити до победа на гостински терен против Индијана.

Индијана – Оклахома 114:120
Орландо – Мајами 88:89
Вашингтон – Шарлот 113:110
Мемфис – Торонто 155:126
Милвоки – Бруклин 105:111
Њу Орлеанс – Хјустон 111:128
Портланд – Јута 122:120
Сакраменто – Детроит 113:114