Хезоња и Муса добија овации во Белград, па им се заблагодарија на фановите на Партизан (Видео)

Реал Мадрид доживеа убедлив пораз на гостувањето кај Партизан во кошаркарската Евролига, а домашните фанови уште еднаш со фантастична посетеност и фанатична атмосфера му помогнаа на тимот на Жељко Обрадовиќ да обезбеди важна победа.

Марио Хезоња и Џанан Муса беа меѓу најдобрите поединци на гостите во Белград, а по завршувањето на средбата добија овации од домашната публика.

Посебно интересна е ситуацијата со Хрватот, кој уште претходно испорачуваше комплименти на адреса на Партизан, а сега и отпоздрави на публиката која не ги заборави неговите зборови.

По средбата, Хезоња и Муса се заблагодариле на фановите на Партизан.