Херојот од Салцбург и трагичарот од Лион: Голманот на Ред Бул одбрани три пенали во две минути (Видео)

Вчеравечер се одигра второто полуфинале во Лигата на шампионите и од истото дознавме дека Баерн Минхен е вториот патник во големото финале во Лисабон, но претходно, во попладневната програма, се одигра и еден крајно возбудлив меч во младинската Лига на шампиони.

Салцбург направи пресврт и во еден исклучително офанзивен натпревар го победи Лион со 4:3, па така францускиот клуб во ист ден доживеа елиминација и во младинска и во сениорска конкуренција.

Тимот од Австрија се пласираше во полуфиналето, но наспроти постигнатите седум гола, од споменатиот меч ни пристигна и една сцена која нависите вреди да се одбележи.

Со своето вчерашно издание, навистина популарен во својата земја стана младиот голман Даниел Антош, кој во период од две минути, му одбрани дури три пенали на ист играч.

Голманот на Салцбург на двапати остануваше без награда откако судијата го повторуваше пеналот поради тоа што прерано го напушта голот, но тоа не го деконцентрираше Антош, кој и во третиот обид му го одбрани пеналот на противникот. Ако Антош беше херој, во дадената ситуација вистински трагичар беше Флоран Да Силва, фудбалерот на Лион кој три пати едно по друго не успеа да реализира пенал.