Херојот на Милан: Овој дух мора да биде…

Милан покажа квалитет и го доби дерби соочувањето со Интер во Калчо лигата.

„Нероаѕурите“ како актуелни шампиони и тим кој имаше шест победи во низа против градскиот ривал, важеше за голем фаворит на хартија на овој меч, меѓутоа дерби е дерби, секогаш е посебна приказна, нова шанса и овојпат „црвено-црните“ беа тие што го имаат последниот збор и се изборија за победа од 2-1.

Крај на црната серија: Габија човек на одлука, Милан му зема мерка на шампионот (ВИДЕО)

Херој на Милан беше дефанзивецот, Матео Габија кој со глава ја заби топката во мрежата на домаќинот во 89 минута.

-Многу сум среќен за нас, за навивачите. Беше прилично тежок момент во кој работите не одеа добро, но сигурен сум дека овој натпревар ќе ни даде вистински енергетски поттик. Среќен сум поради тимот и луѓето на трибините.

-Нема да кажам дека игра мора да стане нормална, но овој дух мора да биде норма. Мораме да даваме се од себе на теренот и тоа ќе не направи горди нас и навивачите, па ќе видиме дали резултатите ќе бидат добри за нас или не. Наша должност е да дадеме се од себе. Има негативни моменти во животот и во кариерата, мора да се погрижиме да не се каеме при последниот судиски свиреж и тоа се случи денеска. Секогаш сме со тренерот и покрај тоа што се зборува надвор, -порача Габија.