Хенес: Разликата со Компани во Баерн е како ден и ноќ

Ули Хенес се повлече од раководството на Баерн Минхен, но останува влијателна фигура која ги има сите информации, но истовремено и останува советник на актуелните директори.

Во последното интервју, Хенес ветил враќање на титулата во сопственост на Баварците, а имал пофални зборови и за новиот тренер, Венсан Компани.

– Разликата откако дојде Компани со тоа претходно е како ден и ноќ.

– Тој е комуникативен и се грижи за своите фудбалери, но ние не го знаевме тоа претходно. Затоа и зборувавме со Пеп Гвардиола и побаравме совет од него, а тој ни кажа дека можеме да го ангажираме без ништо да прашуваме.

– Она што можам да им го ветам на фановите сезонава е титула. Во моментов сме во одлична позиција, најголемите ривали имаат поголемо заостанување, – рекол Хенес.