Хендерсон и Онана во главна улога, Палас и Јунајтед ремизираа на „Селхрст Парк“

Кристал Палас и Манчестер Јунајтед ги поделија бодовите на последниот натпревар од денешната програма од 5. коло во Премиер лигата.

Гостите имаа повеќе од играта, ја имаат топката во своите нозе, упатија повеќе удари, ама едноставно не можеа да го матираат нивниот некогашен голман Дин Хендерсон.

Хендерсон блескаше и на фантастичен начин си ја заврши својата работа што може и да се каже и за Андре Онана на спротивната страна кој исто имаше неколку добри интервенции.

На крајот и покрај шанситете, двата состави мораа да се задоволат со реми без погодоци што нема да им донесе поместување на табелата.