Хелмут Марко: Во постојан контакт сум со Фетел, му објаснив како стои ситуацијата

Хелмут Марко открива дека е во постојан контакт со Себастијан Фетел и дека редовно ги следел сите негови изданија во Ферари во изминативе години, а откако вчера стана јасно дека неговото време во Маранело е пред самиот истек, легендарниот Австриец даде искрена изјава за својот пријател.

Без оглед на тоа што имаат блиска врска, човекот кој има улога на советник во Ред Бул вели дека Фетел нема никакви шанси да се врати во тимот во кој ги достигна највисоките височини во мотоспортот, од едноставна причина што Австријците не можат да си го дозволат Германецот.

– Враќањето е речиси невозможно поради финансиски причини. Не можеме да си дозволиме две такви ѕвезди во тимот.

– Нема да ги видите Макс и Себ во Ред Бул. Не можеме финансиски да си ги дозволиме. Ферари му понуди повеќе пари од тоа што ние бевме подготвени кога си замина. Постојано сме во контакт, но веќе му кажавме дека ситуацијата со Ферстапен е фиксна и дека тој е број еден возач. Цела таа приказна за негово враќање не е тема на која сакаме да дебатираме, – изјави Марко.