Хаверц се огласи по успешната операција: Последните неколку дена беа тешки…

Каи Хаверц нема повеќе да го гледаме на фудбалските терени во оваа сезона по повредата која ја заработи на тренинг кампот на Арсенал во Дубаи.

Премиерлигашот искористи можност да замине во Дубаи на мини подготовки, но од таму дојде лоша вест и сериозна повреда за Германецот кој на крајот заврши под нож, односно имаше успешна операција и сега следи процес на закрепнување.

-Последните неколку дена беа тешки за обработка и физички и психички. Но вчера беше добар ден. Успешна операција и победа. Благодарам за сите пораки за поддршка во последните неколку дена, навистина помогна. Сега сум фокусиран на моето патување до целосна кондиција и да ја дадам сета поддршка што можам да му ја дадам на тимот во позадина, -порача Хаверц од болничкиот кревет.

Хаверц заедно со Габриел Жезус се загубени за Арсенал за оваа сезона, додека останува да се види кога ќе се врати Букајо Сака, односно дали ќе може да помогне во самата завршница на натпреварувачката 2024/2025.